इंसुलिन इंजेक्शनसाठी उपयुक्त सुईचा आकार किती असतो?

इन्सुलिन इंजेक्शन घेण्यासाठी योग्य पद्धत गरजेची!

फोरम फॉर ‌इंजेक्शन टेक्न‌क्सितर्फे मध्यंतरी एक सर्वेक्षण करण्यात आले होते. त्यामध्ये १.२७ टक्के पेशंटना इन्सुलिनच्या इंजेक्शनची योग्य माहिती नसल्याचे आढळून आले. तर २.१४ पेशंटना इंजेक्शन कितीवेळ आतमध्ये टोचून ठेवायचे याची माहिती नव्हती. ३.३७ टक्के पेशंटना सुई किती खोलपर्यंत न्यायची याची कल्पना नव्हती. तर ४.३१ टक्के पेशंटना सुईच्या लांबीची कल्पना नव्हती. तर इंजेक्शन घेताना त्वचा किती दुमडायची याबाबत ५.३४ टक्के पेशंट अनभिज्ञ असल्याचे समोर आले. त्यामुळे इंजेक्शनच्या अयोग्य वापरामुळे निर्माण होणाऱ्या समस्या दूर करण्यासाठी डॉक्टरांनी काही शिफारशी केल्या आहेत. इन्सुलिनचे ‌इंजेक्शन घेण्यासाठी मांडी किंवा हाताच्या वरच्या भागाचा वापर केला जाऊ शकतो. इंजेक्शन घेण्याआधी तो भाग कोमट पाण्याने स्वच्छ करावा. लहान मुलांसाठी ४ एमएम सुईचा वापर करावा. लठ्ठ मुले तसेच वृध्दांसाठी ६ एमएम सुईचा वापर करावा. आधी वापरलेल्या सुईचा पुनर्वापर टाळावा. दरवेळी नवीन सुईचाच वापर करावा, इंजेक्शन देण्याचा भाग बदलत ठेवावा. त्यामुळे गुठळ्या होणार नाहीत. इंजेक्शन फ्रीझरमध्ये ठेवू नये. ते ठेवण्यासाठी १५ ते २५ अंश तापमानाच्या थंड तसेच काळोख्या जागेचा वापर करावा.

गर्भवती महिलांनी त्वचेची घडी वाढवून पोटामध्ये इंजेक्शन घ्यावे.

पहिल्या तीन महिन्यात महिलांनी इन्सुलिनची घेण्याची जागा किंवा तंत्रज्ञान बदलू नये. पुढील तीन महिन्यांत इन्सुलिनचे इंजेक्शन देण्यासाठी पोटाच्या पार्श्वभागाचा वापर केला जाऊ शकतो. तसे करताना गर्भावरील त्वचेपासून लांब इंजेक्शन द्यायला हवे.

इन्सुलिन ‌इंजेक्शन उपचारांचे यश हे त्यांच्या टोचून घेण्याच्या काही घटकांवर अवलंबून असते. त्यासाठी समुपदेशन, इन्सुलिन हळूवार देण्याची पध्दती, ज्यामुळे पेशंटला भीती वाटणार नाही. इन्सुलिनची व्यवस्था, सुईची लांबी, प्रत्येक इंजेक्शनसाठी नवीन सुईचा वापर, सुईची निवड, प्रत्येक इंजेक्शनपूर्वी त्वचेची तपासणी करणे गरजेचे आहे. २०३०पर्यंत डायबेटिसची राजधानी म्हणून भारत देश ओळखला जाण्याची भीती व्यक्त केली जात आहे. डायबेटिस हा जीवनभराचा आजार आहे. त्यामुळे त्याच्याशी लढण्यासाठी आरोग्यनिगा महत्त्वाची आहे.